¨°°o°°¨]§[° منتديات هجير الجوف °]§[¨°°o°°¨

أهلا وسهلاً بك من جديد في هجير الجوف ،،، أنت غير مسجل لدينا ،، تفضل بتسجيل الدخول أو الإشتراك ...

حياك الله ...
 ::. تجديدات واسعة على منتديات هجير الجوف بمناسبة مرور ثلاث سنوات على انشاء المنتدى .:: | ::. أهلاً وسهلاً بكم وعلى الرحب والسعة .:: | ::. للإعلان أو الطلبات يرجى التواصل عبر الإيميل التالي walhanfek@hotmail.com 

    عرس قديم ...

    شاطر
    avatar
    شوق
    هجيري متفاعل
    هجيري متفاعل

    انثى
    عدد الرسائل : 25
    العمر : 32
    تاريخ التسجيل : 04/08/2009

    عرس قديم ...

    مُساهمة  شوق في السبت أكتوبر 24, 2009 5:00 am

    السلام عليكم ورحمة الله وبركاته
    اثناء تصفحي لفت نظري صور لبعض جهاز العروس وقت جداتنا ..
    بحثت ووجدت هالموضوع يتكلم بشيئ من التفصيل عن زواج الاولين
    نقلته مع بعض التصرف ودعمه بالصور

    =====
    كانت حفلات الزواج سهله ميسرة ما فيها أي مظاهر من البذخ والإسراف
    من أول ما يفكر الولد في العرس الين يدخل عليها ذيك الليلة
    وهو كل شي مسمحه ربي له ( مهوب مثل الحين الله يخلف ) .
    نبداء أول شي من الخطبة .. أما تخطب له أمه وألا أبوه يقولون له والله
    يا عند فلان بنت فيها سنع وظفاره وأدب
    وأخلاق وفوق كل هذا كنها غزال . عاد تخبرون منوال إذا قرر الابو والأم
    يزوجون الولد والا البنت طبعاَ تصير البنت والولد أخر من يعلم وبعض
    الأحيان يخطبون ويملكون مادرت البنت تلقاها ليلة عرسها تلعب العصر
    مع البنيات ماتدري ان الليله عرسها




    كل هذا طبعاَ لأن البنت والولد في شور أهلهم وما
    يعصون لهم أمر ما شاء الله , عاد إذا وافق الولد راحو يخطبون
    ويخلونه يشوف الشوفه الشرعية أما يشوفها تروى والا عند القليب
    والا تحش والا تذكرها له أمه أو أخته ومن هنا يبدأ يرقع قلب الولد
    وتبدأ حركات التوزي ورى النخيل ومناظر البنيات والتسدح
    عند السواقي والترزز عند القلبان خطر من االشفقه يطيح في القليب ,
    المهم كل هذا يحصل والولد تو عمره 16 أو 17 سنه
    هذا دليل على ان الولد من عمرة وهو متحمل مسئوليه ورجال يعتمد
    عليه في كل شي
    ( أبو 16 , 17 مايتكل عليه في نفسه الاماقل ) .
    الحاصل عاد إذا اتفقوا على كل شي روحوا أهل المعرس قبل العرس
    بشهر أو 20 يوم السياق اللي هو مهر العروس
    صندوق فيه أنواع قطع من القماش وعباة لها والامها وخناقه
    الخناقه والزناط أيام جدانا وأيام أبوانا وأمهاتنا يرسلون صف لبن




    والا رشرش وغوايش دقة عبد الغني وبعض أنواع العطور
    ( لاحظو إن أهل المعرس هم اللي يجهزون للعروس والله لو يسونها
    الحين ان تمد لسانها العروس وتقول مو على كيفكم أنا اللي بعرس وألا انتم )




    ويرسلون معه طياق قماش وطياق شيال بور سعيد وسراويل خط البلدة
    عاد هذا يوزع على أقارب العروس .
    المهم عاد إلى جا يوم العرس يجتمعون المعازيم للغداء بعد صلاة العصر




    ويجي المملك ويقلطون لهم جريش وقرصان
    ولحم , ثم يتفرقون بعد الغداء وذا جا بعد صلاة العشاء يجتمعون ثانية ويتقهوون
    بس قهوة وبعدين يدخلون المعرس علىعروسه في بيت أهلها
    في الروشن عاد تصير العروس متزينة جايه وحده

    تخضبها بالحنا قبل بيوم



    وتمشطها بالمشاط الأحمر ثم يحطون



    لها عشرين ضفيرة ويلبسونها الهامه




    ثم يلبسونها ثوب العرس من هاللي في الصندوق



    والعباة هذا كله المغرب بعدين تجلس عندها الربعيه
    اللي هي المدخلة لين يجي المعرس ويدخل على حرمته ثم يعطي الربعيه
    فلوس أن عطاها كثير مدحته وشكرته وان عطاها شوي سبته
    ( ما ينطاح في السان هالربعيه ) وبعدين تروح وبعض الربعيات
    تجلس وتنام عند باب هالروشن ثلاثة أيام أن بغت العروس ماء
    وألا شي جابته لها .
    avatar
    شوق
    هجيري متفاعل
    هجيري متفاعل

    انثى
    عدد الرسائل : 25
    العمر : 32
    تاريخ التسجيل : 04/08/2009

    رد: عرس قديم ...

    مُساهمة  شوق في السبت أكتوبر 24, 2009 5:02 am

    تجلس وتنام عند باب هالروشن ثلاثة أيام أن بغت العروس ماء
    وألا شي جابته لها .



    عاد بعد ما يدخلون المعرس يبدون البنيات والحريم في الردوه والردح الين
    وسط الليل اللي هي تقريباَ 9 ثم يتفرقون وذا جا بعد ساعتين
    من دخول المعرس على عروسه جا المقهوي يقهوي
    المعرس ثم يروح والى جا من بكره تغدو في بيت أهل المعرس وفي
    الليل اللي هو يسمونه التحوال يجتمعن الحريم في بيت أهل العروس


    صناديق حديديه يوضع فيها ملابس العروس
    والاكان في صندوق خشبي

    ثم يشلون قش العروس

    ( المضرب , السحارة ,الوسادة , والشف )
    ثم يرحون البيت أهل المعرس ويحطون قشها
    بعض غرف عرايس اول وتشوفون الصندوق بوسطها يقالك هو دولاب الملابس



    هاذي بعد مابدوا يتمدنون شوي ..
    تستطيع أن ترى الصورة بحجمها الطبيعي بعد الضغط عليها

    تستطيع أن ترى الصورة بحجمها الطبيعي بعد الضغط عليها

    بعض زينة العروس
    هذا الديرم تاخذ قطعه صغيره ثم تضعها على شفايفها الين تصبغ بلون اقرب للبرتقالي منه للاحمر

    وهاذي المكحله

    ثم يقهونهم هم يتفرقون .

    هذا كله عرس منول ما فيه أي تكلفه أو أي خساير كل اللي يكلفهم
    بس هالسياق أو هالطياق اللي يرسلونها

      الوقت/التاريخ الآن هو الأربعاء ديسمبر 12, 2018 11:46 am