أبشـــــــركـ

اهني جميع الأعضاء بهذا المنتدى ويفرحني تواجدي معكم و اهديكم قصيدتي ((ابشركـ)) واتمنى ان تنال اعجابكم وأهلاً بالنقد الذي يدفعني للأفضل


ابشـرك مااثـر علـي الغيـاب بشـي
سوا انة تركني هيكل(ن)مابوسطـة روح

تركني كذا مانيـب ميـت ولانـي حـي
احس الهوى يجري بصدري وانا مذبوح

واقابل هجير الشمس وانا احسبنـة فـيّ
واسولف لحالي مع خيال(ن) يجي ويروح

واطارد سراب الال وانااحسب انـة مـي
واحاول اداوي جرح غيري واناالمجروح

ابشرك هذا اللي حصـل يامهاجـر لـي
وابشرك نفسي طبعها ماتعـرف تنـوح

وانا عارف ان اخر علاج المريض الكـي
ولكن مرضك اخيرلي من غيـاب البـوح

عروقآ ذبحها الشوق ياللي ملكت الـري
تنادي عليك وغصنها بالجفـى مجـروح

اقولة وانا نفسي تعرف النفـق والضـيّ
ولا زال باب من الرجاء والامل مفتـوح

وابشـرك مااثـر علـي الغيـاب بشـي
سوا انة تركني هيكل(ن) مابوسطة روح