للاسف هذا واقعنا...

للاسف هذا الواقع



هل من المنطق انه تضحي بنص معاشك لمدة 15 سنه علشان تركب سياره تكشخ فيها

( يعني انت تشتغل نص السنه علشان سياره تخيل دربك كل يوم الدوام والمغثه تسوى علشان هالشي ) ؟




--------------------------------------------------------------------------------




في شعب بالعالم يسافر باقساط ؟






--------------------------------------------------------------------------------





في شعب اغلب البنات ما يطلعون الا بمكياج ولبس عالآخر

( كل العالم ما عدا الخليج ما يحطون مكياج الا للحفلات والسهرات والطلعات الخاصه اللي من سنه لي سنه )




--------------------------------------------------------------------------------



في شعب بالعالم يلبسون طربوش تحت الحجاب لووووول






--------------------------------------------------------------------------------



في شعب بالعالم البنت فيه تروح الصالون 9 ايام بالاسبوع

( لا وتلقينها بالغصب تنبلع )




--------------------------------------------------------------------------------





في شعب بالعالم يتجمع كله بمجمع واحد بيوم واحد لوول

( اذا عندك احد مضيعه او مو لاقيه او تطالبه فلوس وما يرد عليك روح المجمعات يوم الخميس تلقاه)




--------------------------------------------------------------------------------



في شعب بالعالم كل فرد فيه عنده خبره بالسياسه والاسهم والرياضه والموضه والسيارات وما عنده أي خلفيه علميه عن أي شي ثاني






--------------------------------------------------------------------------------



في دوله بالعالم شعبها كله يسافر بالصيف وتصير فاضية

( ويقولون ما في احلى من ديرتنا)






--------------------------------------------------------------------------------

في شعب بالعالم لمن يرجع من السفر كل البنات على خشمهم لزقه ومسوين عمليات

( كنه الختم مو عالجواز عالخشم)


--------------------------------------------------------------------------------





في شعب بالعالم ما يلبس الا ماركات وكل الناس لابسينه يقول عنه تقليد ؟




--------------------------------------------------------------------------------





في شعب بالعالم الشباب كلهم عضلات؟






--------------------------------------------------------------------------------





في شخص بالعالم يسوي عضلات خلال شهر ويقولك انا ما أعرف ابر ولا حبوب وشغلي طبيعي ؟




--------------------------------------------------------------------------------







في شعب بالعالم الكل يكره فيه بعض

( اتمنى اشوف احد يبتسم للثاني)






--------------------------------------------------------------------------------





في شعب بالعالم كل ما تهاوشت مع واحد فيهم قالك اوديك ورى الشمس انت ما تدري قاعد تكلم منو

( ايش الديره كلهم واصلين )؟




--------------------------------------------------------------------------------





في شعب بالعالم ثلاث ارباع بناته باقل من سنه صارو يتكلمون مثل حليمه بولند وتقولك انا من زمان كذا؟




--------------------------------------------------------------------------------





في شعب بالعالم يختفي حرف الراء من عنده فجأه على ابو دلع ؟




--------------------------------------------------------------------------------





في شعب بالعالم البنات يقولون الشباب مو كفو والشباب يقولون نفس الكلام؟


--------------------------------------------------------------------------------





في شعب بالعالم البنت ما تدق فيه الا رنه وفاتورة الرجال بالالاف

( واذا رديت عليها سكرته بوجهك ) ؟




--------------------------------------------------------------------------------





في شعب بالعالم مافي احد يعرف يسوق سياره الا واهوا يتكلم تلفون ؟




--------------------------------------------------------------------------------





في شعب كل ما شاف بنت بالشارع قال انا مكلمها ويطالع فيها ويزعجها؟




--------------------------------------------------------------------------------





في شعب بالعالم البنت ما تطالع الرجال فيه الا علشان سيارته ؟




--------------------------------------------------------------------------------





في شعب بالعالم يتركون بيوتهم وتصير مهجوره بالشتى ويعيشون بالبر!!!!!!!!




--------------------------------------------------------------------------------





في شعب بالعالم كل بيت عنده 20 سيارة وبانشي وسيكل ومشب ؟






--------------------------------------------------------------------------------



في شعب بالعالم بالمرحله الابتدائيه ما عندهم سقوط ونجاح ؟






--------------------------------------------------------------------------------





في شعب بالعالم عندهم شهاداة ثانويه وجامعية و ما يعرفون انجليزي ولا لغه عربيه




--------------------------------------------------------------------------------





في شعب بالعالم اللي يرمونة بالزباله اكثر من اللي ياكلونه ؟ الله لايسخط علينا بس ولايحرمنا من خيرة ونعمة






--------------------------------------------------------------------------------



في شعب بالعالم تسأله ايش هوايتك يقولك يا كل شي او مادري




--------------------------------------------------------------------------------



في شعب بالعالم نسبة الطلاق فيه اكثر من 60% ؟ الله لايبلانى ويحمي اخواتنا وزوجاتنا وبناتنا






--------------------------------------------------------------------------------



في شعب بالعالم كل ما تسأل بنت ايش فتى احلامك تقولك ابي واحد كشخة وجسم وحلو وفلوس وولد عايله ومنصب ويخليني على كيفي ويسفرني كل عطله وما يقعدني بالبيت ويصرف علي

(وتلقاها جيكره وشهادة متوسط ومن عايله الله يستر عليها)




--------------------------------------------------------------------------------





في شاب تسأله شلون تبي زوجتك يقول ستايل وتعرف تلبس وموظفة( تبي تتزوج ولا عارضة ازياء وتستثمر)




--------------------------------------------------------------------------------





في شعب بالعالم يتطنزون على بعض مثلنا




--------------------------------------------------------------------------------



في شعب بالعالم مخالفاته كل شهر اغلى من قسط سيارته




--------------------------------------------------------------------------------



في دوله بالعالم من اكبر الدول المصدره للنفط واسعارها نااااااااااااااااااااااااااار وبعض الشعب ماكلين ....



.................................................................................................


في مذيع بالعالم يغازل ويتميلح على الهواء مباشره !!!


--------------------------------------------------------------------------------



في دوله بالعالم يطالبون بأسقاط القروض ؟