![¨°°o°°¨]§[° منتديات هجير الجوف °]§[¨°°o°°¨](https://i.servimg.com/u/f47/12/47/67/07/i_logo11.jpg){kind=logo}
السلام عليكم ورحمة الله وبركاته
اثناء تصفحي لفت نظري صور لبعض جهاز العروس وقت جداتنا ..
بحثت ووجدت هالموضوع يتكلم بشيئ من التفصيل عن زواج الاولين
نقلته مع بعض التصرف ودعمه بالصور
=====
كانت حفلات الزواج سهله ميسرة ما فيها أي مظاهر من البذخ والإسراف
من أول ما يفكر الولد في العرس الين يدخل عليها ذيك الليلة
وهو كل شي مسمحه ربي له ( مهوب مثل الحين الله يخلف ) .
نبداء أول شي من الخطبة .. أما تخطب له أمه وألا أبوه يقولون له والله
يا عند فلان بنت فيها سنع وظفاره وأدب
وأخلاق وفوق كل هذا كنها غزال . عاد تخبرون منوال إذا قرر الابو والأم
يزوجون الولد والا البنت طبعاَ تصير البنت والولد أخر من يعلم وبعض
الأحيان يخطبون ويملكون مادرت البنت تلقاها ليلة عرسها تلعب العصر
مع البنيات ماتدري ان الليله عرسها
كل هذا طبعاَ لأن البنت والولد في شور أهلهم وما
يعصون لهم أمر ما شاء الله , عاد إذا وافق الولد راحو يخطبون
ويخلونه يشوف الشوفه الشرعية أما يشوفها تروى والا عند القليب
والا تحش والا تذكرها له أمه أو أخته ومن هنا يبدأ يرقع قلب الولد
وتبدأ حركات التوزي ورى النخيل ومناظر البنيات والتسدح
عند السواقي والترزز عند القلبان خطر من االشفقه يطيح في القليب ,
المهم كل هذا يحصل والولد تو عمره 16 أو 17 سنه
هذا دليل على ان الولد من عمرة وهو متحمل مسئوليه ورجال يعتمد
عليه في كل شي
( أبو 16 , 17 مايتكل عليه في نفسه الاماقل ) .
الحاصل عاد إذا اتفقوا على كل شي روحوا أهل المعرس قبل العرس
بشهر أو 20 يوم السياق اللي هو مهر العروس
صندوق فيه أنواع قطع من القماش وعباة لها والامها وخناقه
الخناقه والزناط أيام جدانا وأيام أبوانا وأمهاتنا يرسلون صف لبن
والا رشرش وغوايش دقة عبد الغني وبعض أنواع العطور
( لاحظو إن أهل المعرس هم اللي يجهزون للعروس والله لو يسونها
الحين ان تمد لسانها العروس وتقول مو على كيفكم أنا اللي بعرس وألا انتم )
ويرسلون معه طياق قماش وطياق شيال بور سعيد وسراويل خط البلدة
عاد هذا يوزع على أقارب العروس .
المهم عاد إلى جا يوم العرس يجتمعون المعازيم للغداء بعد صلاة العصر
ويجي المملك ويقلطون لهم جريش وقرصان
ولحم , ثم يتفرقون بعد الغداء وذا جا بعد صلاة العشاء يجتمعون ثانية ويتقهوون
بس قهوة وبعدين يدخلون المعرس علىعروسه في بيت أهلها
في الروشن عاد تصير العروس متزينة جايه وحده
تخضبها بالحنا قبل بيوم
وتمشطها بالمشاط الأحمر ثم يحطون
لها عشرين ضفيرة ويلبسونها الهامه
ثم يلبسونها ثوب العرس من هاللي في الصندوق
والعباة هذا كله المغرب بعدين تجلس عندها الربعيه
اللي هي المدخلة لين يجي المعرس ويدخل على حرمته ثم يعطي الربعيه
فلوس أن عطاها كثير مدحته وشكرته وان عطاها شوي سبته
( ما ينطاح في السان هالربعيه ) وبعدين تروح وبعض الربعيات
تجلس وتنام عند باب هالروشن ثلاثة أيام أن بغت العروس ماء
وألا شي جابته لها .
اثناء تصفحي لفت نظري صور لبعض جهاز العروس وقت جداتنا ..
بحثت ووجدت هالموضوع يتكلم بشيئ من التفصيل عن زواج الاولين
نقلته مع بعض التصرف ودعمه بالصور
=====
كانت حفلات الزواج سهله ميسرة ما فيها أي مظاهر من البذخ والإسراف
من أول ما يفكر الولد في العرس الين يدخل عليها ذيك الليلة
وهو كل شي مسمحه ربي له ( مهوب مثل الحين الله يخلف ) .
نبداء أول شي من الخطبة .. أما تخطب له أمه وألا أبوه يقولون له والله
يا عند فلان بنت فيها سنع وظفاره وأدب
وأخلاق وفوق كل هذا كنها غزال . عاد تخبرون منوال إذا قرر الابو والأم
يزوجون الولد والا البنت طبعاَ تصير البنت والولد أخر من يعلم وبعض
الأحيان يخطبون ويملكون مادرت البنت تلقاها ليلة عرسها تلعب العصر
مع البنيات ماتدري ان الليله عرسها
كل هذا طبعاَ لأن البنت والولد في شور أهلهم وما
يعصون لهم أمر ما شاء الله , عاد إذا وافق الولد راحو يخطبون
ويخلونه يشوف الشوفه الشرعية أما يشوفها تروى والا عند القليب
والا تحش والا تذكرها له أمه أو أخته ومن هنا يبدأ يرقع قلب الولد
وتبدأ حركات التوزي ورى النخيل ومناظر البنيات والتسدح
عند السواقي والترزز عند القلبان خطر من االشفقه يطيح في القليب ,
المهم كل هذا يحصل والولد تو عمره 16 أو 17 سنه
هذا دليل على ان الولد من عمرة وهو متحمل مسئوليه ورجال يعتمد
عليه في كل شي
( أبو 16 , 17 مايتكل عليه في نفسه الاماقل ) .
الحاصل عاد إذا اتفقوا على كل شي روحوا أهل المعرس قبل العرس
بشهر أو 20 يوم السياق اللي هو مهر العروس
صندوق فيه أنواع قطع من القماش وعباة لها والامها وخناقه
الخناقه والزناط أيام جدانا وأيام أبوانا وأمهاتنا يرسلون صف لبن
والا رشرش وغوايش دقة عبد الغني وبعض أنواع العطور
( لاحظو إن أهل المعرس هم اللي يجهزون للعروس والله لو يسونها
الحين ان تمد لسانها العروس وتقول مو على كيفكم أنا اللي بعرس وألا انتم )
ويرسلون معه طياق قماش وطياق شيال بور سعيد وسراويل خط البلدة
عاد هذا يوزع على أقارب العروس .
المهم عاد إلى جا يوم العرس يجتمعون المعازيم للغداء بعد صلاة العصر
ويجي المملك ويقلطون لهم جريش وقرصان
ولحم , ثم يتفرقون بعد الغداء وذا جا بعد صلاة العشاء يجتمعون ثانية ويتقهوون
بس قهوة وبعدين يدخلون المعرس علىعروسه في بيت أهلها
في الروشن عاد تصير العروس متزينة جايه وحده
تخضبها بالحنا قبل بيوم
وتمشطها بالمشاط الأحمر ثم يحطون
لها عشرين ضفيرة ويلبسونها الهامه
ثم يلبسونها ثوب العرس من هاللي في الصندوق
والعباة هذا كله المغرب بعدين تجلس عندها الربعيه
اللي هي المدخلة لين يجي المعرس ويدخل على حرمته ثم يعطي الربعيه
فلوس أن عطاها كثير مدحته وشكرته وان عطاها شوي سبته
( ما ينطاح في السان هالربعيه ) وبعدين تروح وبعض الربعيات
تجلس وتنام عند باب هالروشن ثلاثة أيام أن بغت العروس ماء
وألا شي جابته لها .
